Gjendet kaseta që mund të zbulojë misterin e binjakeve

Më shumë se dy muaj pas zhdukjes misterioze të dy binjakeve dhe vetëvrasjes së babait të tyre, autoritetet italiane kanë gjetur afër Barit të Italisë një mikrokasetë që mendohet se i takon babait të vetëvrarë.

Në vendin ku Mathias Schep (emri i 43 vjeçarit të vetëvrarë) i kishte marrë vetes jetën, në hekurudhën e qytetit italian Cerignola, ishte gjetur një kasetofon, ndërsa kaseta e gjetur tash në Bari, i takonte atij. Për këtë arsye hetuesit shpresojnë se me gjetjen e kasetës i janë afruar zbardhjes së të vërtetës për rastin.

Ata madje, gjetjen e saj e krahasojnë me një “mrekulli”.

Në fillim të marsit në afërsi të stacionit hekurudhor në Cerignola qe gjetur edhe një mikroçip i sistemit të navigacionit të automobilit të babait të binjakeve. Mirëpo, ekspertët e prodhuesit të çipit nuk kishin gjetur informacione të regjistruara në të. .