CH-Ballkani

Gjendet një trup i pajetë në veri të Mitrovicës

Një trup i pajetë i një mashkulli është gjetur sot në veri të Mitrovicës afër lumit Ibër.

Lajmin e ka konfirmuar për gazetën Express zëdhënësi i Policisë në Mitrovicën e Veriut, Besim Hoti.

“Po, është gjetur një trup i pajetë i gjinisë mashkullore sot pranë Ibrit, rrethanat nuk dihen ende, po pritet që në vend të ngjarjes të vijë mjekësia ligjore”, tha Hoti.

Sipas Hotit, pranë tij është gjetur një çakmak, një lugë dhe cigaret e tij.

Momentalisht nuk dihet identiteti i personit dhe mosha e tij, përcjell albinfo.ch.