Gjermanët nuk kanë ku t’i shpenzojnë paratë

Atoms @atoms

Pavarësisht pandemisë, populli gjerman po arrin të kursejë më shumë para në bankë muajve të fundit, transmeton albinfo.ch.

Referuar të dhënave të Bundesbank, nga janari 2020 deri në janar 2021, depozitat e familjeve private në banka u rritën me 182 miliardë dhe tani arrijnë në 1.73 trilion euro, shkruan Indeksonline.

Madje, trendi i rritjes së kursimeve është i madh dhe në tre muajt e ardhshëm pritet të jetë në mesatare më të lartë se aktualisht.

Sipas statistikave, gjatë pandemisë gjermanët kanë tërhequr më pak para nga bankomatët dhe bankat në përgjithësi, ngase nuk po kanë ku t’i shpenzojnë. Bankat gjithashtu kanë regjistruar rënie të ndjeshme të kërkeses për para, shkruan Indeksonline.

“Gjatë dymbëdhjetë muajve të fundit ne kemi një rënie mesatare të kërkesës për para prej 10 deri në 15 për qind”, thuhet në njoftimin e Komercbank.

Çdo i treti qytetar që jeton në Gjermani ka aktualisht më shumë para në bankë se sa që kishte para një viti, thuhet në një raport të Tageschow.

Kursimet për gjermanët pritet të rriten ende, ngase ekspertët nuk parashohin rritje të ndjeshme të konsumit.