Gjermani: Mjeku shqiptar tregon situatën e krijuar nga Covid-19

Mjeku shqiptar, Arjan Mullahi, Shefi i Klinikës së Kirurgjisë, Ortopedisë dhe Traumatologjisë në spitalin St. Josef – Krankenhaus në Linnich të Gjermanisë, flet për situatën e krijuar nga Covid-19, trajtimin e pacientëve dhe masat që po zbatohen për parandalimin e këtij virusi. Për qytetarët, ai këshillon shmangien e kontakteve gjatë kësaj periudhe, përcjell albinfo.ch.

Gjermania ka ende kapacitete të pashfrytëzuara, prandaj edhe po u vjen në ndihmë Italisë dhe Francës, duke u marrë pacientë me COVID 19 për trajtim.

Mullahi: Gjermania ka shumë kapacitete që nuk janë shfrytëzuar, veçanërisht në Reanimacion. Janë 28 mijë shtretër në Reanimacion. Gjermania merr pacientë nga Italia dhe Franca.

Mjeku Arjan Mullahi, i cili drejton shërbimin e Kirurgjisë në spitalin e “Shën Jozefit” në Gjermani në një lidhje për Ora News  thotë se testimi i të gjithë popullsisë është i pamundur dhe nuk ka vlerë reale.