Gjermani: Plagoset me armë zjarri një 55-vjeçar nga Kosova  

Pasditen e sotme në Gjermani është plagosur një 55-vjeçar shqiptar nga Kosova.

Mediat gjermane raportojnë se rasti ka ndodhur në Dolgenseestrasse në Berlin, ku personi në fjalë është qëlluar teksa po lëvizte me një makinë tip “Audi”.

Mësohet se autori është arratisur nga vendngjarja, ndërkohë policia gjermane po punon për kapjen e tij, përcjell albinfo.ch.

Sipas informacioneve, 55-vjeçari nga Kosova është qëlluar me plumb në shpatull. Ai është dërguar menjëherë në spital për të marrë ndihmë mjekësore. Sipas policisë, në momentin e atentatit nuk ka pasur pasagjerë në mjetin e shqiptarit.

Policia thotë se ngjarja nuk ka lidhje me klanet kriminale në Gjermani.