Gjermani: Të infektuarit e pavaksinuar nuk do të paguhen gjatë karantinës

pixabay photo page

Gjermania merr një vendim tepër drastik në luftën ndaj pandemisë. Ata që nuk janë vaksinuar ndaj Covid-19 dhe infektohen, nuk do të përfitojnë kompensim ose pagë për periudhën që do të futen në karantinë.

Vendimi do të zbatohet duke nisur nga 1 nëntori. Kritikët e konsiderojnë atë një masë të barabartë me vaksinimin e detyrueshëm, transmeton A2, përcjell Albinfo.ch.

Sipas skeptikëve, vendimi do të detyrojë shumë punonjës që të imunizohen, pasi nuk mund ta përballojnë që të qëndrojnë në shtëpi pa të drejtë page, nëse infektohen me Covid-19. Ministri gjerman i Shëndetësisë, Jens Spahn, u është përgjigjur këtyre kritikave, duke theksuar se vendimi është i drejtë dhe se të tjerët nuk duhet të paguajnë për ata që vendosin të mos vaksinohen.