Gjermania, Franca dhe Britania bëjnë thirrje për ndihmë humanitare në Gaza

(KEYSTONE/AP Photo/Abdel Kareem Hana)

Udhëheqësit e tre fuqive evropiane, Emmanuel Macron, Keir Starmer dhe Friedrich Merz, i kanë bërë thirrje Izraelit të lejojë kalimin e ndihmave humanitare në Gaza, duke kërkuar një armëpushim të menjëhershëm për të shmangur një krizë të thellë humanitare, shkruan DW, transmeton albinfo.ch.

Pas një telefonate të përbashkët, ata paralajmëruan për “katastrofën humanitare” në zonë dhe shprehën gatishmërinë për të ndërmarrë hapa të mëtejshëm politikë dhe diplomatikë, pa dhënë detaje për veprimet konkrete.

Ndërkohë, njoftimi i Presidentit francez për njohjen e një shteti palestinez ka nxitur debat mes vendeve të E3, ku Franca shfaqet më e vendosur, ndërsa Gjermania dhe Britania ende nuk e kanë përqafuar këtë hap zyrtar.

Në Mbretërinë e Bashkuar, një grup prej 221 deputetësh ka nënshkruar një letër që kërkon njohjen e shtetit palestinez, transmeton albinfo.ch.