Gjermania ia dhuron 10 vetura Policisë kufitare të Shqipërisë

“Qeveria Federale i jep një kontribut tjetër shumë  të rëndësishëm në forcimin e ruajtjes së  kufirit  përmes Policisë kufitare shqiptare, duke rritur njëkohësisht edhe sigurinë e kufijve të Evropë"

Policia Federale Gjermane ia ka dhuruar 10 vetura me vlerë 127 mijë euro Policisë Kufitare të Shqipërisë, dorëzimin e të cilave e bëri ambasadorja gjermane në Shqipëri, Susanne Schutz.

Ajo e cilësoi bashkëpunimin me Policinë e Shtetit si të shkëlqyer dhe premtoi se edhe në të ardhmen Policia dhe Qeveria gjermane do të mbështesin Policinë.

“Qeveria Federale i jep një kontribut tjetër shumë  të rëndësishëm në forcimin e ruajtjes së  kufirit  përmes Policisë kufitare shqiptare, duke rritur njëkohësisht edhe sigurinë e kufijve të Evropës. Përmes vizitave të shpeshta në stacionet e Policisë kufitare, por edhe në të ashtuquajturin kufij të gjelbër, veçanërisht  atë me Greqinë, kemi përftuar një panoramë shumë të mirë rreth gjendjes në kufirin shqiptar”, ka thënë ajo.

---