Gjermania jep 1 milion euro për Ushtrinë e Kosovës

Ministria e Mbrojtjes së Kosovës ka pranuar sot donacion me vlerë prej një milion eurosh nga Gjermania për zhvillimin dhe avancimin e FSK-së.

Gjermania vazhdon mbështetjen konkrete për modernizimin e kapaciteteve operacionale të FSK-së.

Ministri i Mbrojtjes, Armend Mehaj, dhe ambasadori gjerman në Kosovë, Joern Rohde, nënshkruan marrëveshjet për pranim-dorëzimin e donacionit të fondeve për prokurimin, duke përfshirë pajisje, automjete dhe trajnime të specializuara të fushës së EOD-së dhe HAZMAT-it. Vlera e donacionit është 1 milion euro.

Me këtë rast, ministri Mehaj shprehu falënderim dhe mirënjohje shumë të madhe për Qeverinë gjermane, e cila, sikur më parë, vazhdon mbështetjen e madhe në të gjitha aspektet në zhvillimin dhe avancimin e FSK-së.

 

---