Gjermania mbyll kufijtë për këto shtete

Keystone

Informacionet e fundit nga autoritetet gjermane tregojnë se shteti gjerman mbylli pjesërisht kufijtë e saj me Republikën Çeke dhe Tirolin austriak të dielën për shkak të përhapjes së llojeve të reja të koronavirusit, pavarësisht nga dënimet e një veprimi të tillë nga Bashkimi Evropian.

Thuhet se mijëra oficerë policie janë mobilizuar për kontrolle të rrepta kufitare, duke kujtuar ditët e para të pandemisë, kur anëtarët e BE-së mbyllën kufijtë e tyre. Në vendkalimin Kiefersfelden në Bavarinë jugore, oficerët e policisë me jelekë të verdhë ndalojnë çdo automjet që vjen nga Austria, transmeton albinfo.ch.

Referuar rregullave të reja, të cilat janë në fuqi deri më 17 shkurt, ju mund të hyni në Gjermani vetëm me një test negativ për koronavirus.

“Përjashtimet janë për punëtorët në sektorët e shëndetësisë dhe transportit dhe për arsye urgjente humanitare”, tha Ministria e Brendshme e Gjermanisë.

Hekurudha gjermane Deutsche Bahn ka pezulluar shërbimet e saj për dhe nga zonat e prekura.

Po ashtu, thuhet se në Aeroportin e Frankfurtit, më i madhi në vend, policia federale kontrolloi të dielën pasagjerët që mbërrinin nga Vjena dhe Praga. Qëllimi i kufizimeve është të ngadalësojnë përhapjen e llojeve të reja dhe më ngjitëse të koronavirusit që janë shfaqur në Britaninë e Madhe dhe Afrikën e Jugut dhe kanë shkaktuar vatrat e reja përgjatë kufirit çek dhe në Tirolin austriak. Qeveria e kancelares Angela Merkel kohët e fundit zgjati mbylljen e pjesshme të Gjermanisë deri më 7 mars nga frika e llojeve të reja, edhe pse numri i infeksioneve ditore ka rënë në javët e fundit.Në Republikën Çeke, tri rajone, përfshirë dy afër kufirit gjerman, janë mbyllur për shkak të përhapjes së llojit britanik të koronavirusit.Kushdo që largohet nga Tiroli austriak duhet të paraqesë një test negativ të koronavirusit për shkak të një rritje të infeksioneve të shoqëruara me llojin e Afrikës së Jugut. Vendpushimet e skive në Austri janë të hapura për vendasit, por skiatorë të huaj ende po vijnë.Kryeministri bavarez Markus Soeder tha se kishte frikë nga shfaqja e një

“Ischgl të dytë”, një referencë për vendpushimin austriak të skive që ishte në qendër të COVID-19 vitin e kaluar dhe kontribuoi në përhapjen e koronavirusit në Evropë.