Gjermania po shqyrton arsenalin e armëve që do t’i dërgojë Ukrainës

Kancelari gjerman Olaf Scholz i ka premtuar Ukrainës se Berlini do të financojë dërgesat e armëve direkt nga industria gjermane.

“Ne i kemi kërkuar industrisë gjermane të armëve të na tregojë se cilat pajisje mund të dërgojmë në të ardhmen e afërt,” tha Scholz, duke shtuar se Berlini po koordinohej me Kievin për armët që Ukraina ka nevojë për të siguruar fondet e nevojshme, përcjell Albinfo.ch.

Scholz përmendi armët antitank, pajisjet e mbrojtjes ajrore, municionet dhe gjithashtu pajisjet e artilerisë.

Përveç kësaj, partnerët e NATO-s që furnizojnë Ukrainën me armë të projektura nga sovjetikët do të marrin armë zëvendësuses, transmeton Dpa.

“Megjithatë, shumë pak dërgesa do të sigurohen nga aksionet e Bundeswehr-it, pasi mundësitë po arrijnë kufijtë e tyre”, tha Scholz.

---