Gjermania regjistron temperaturën më të lartë në histori

Foto ilustrim

Gjermania ka konfirmuar një rekord të ri të temperaturës prej 40,5 gradë celsius, ndërsa vendi i nënshtrohet ditës së dytë të valës së nxehtësisë që po përfshin shumë vende të Europës, transmeton ATSH.

Shërbimi meteorologjik gjerman regjistroi 40,5 gradë celsius në Geilenkirchen, në shtetin perëndimor të Westfalisë.

Rekordi i mëparshëm mbahej nga qyteti bavarez i Kitzingenit, me 40,3 gradë celsius, katër vjet më parë. 

Vendet e tjera europiane po përballen gjithashtu me temperatura jashtëzakonisht të larta, sidomos Anglia dhe Franca.

Holanda gjithashtu shënoi dje ditën më të nxehtë të 75 vjetëve të fundit, me 38,8 gradë celsius.