Lajme

Gjirokastra, qyteti unik i Shqipërisë dhe i preferuari i turistëve vendas e të huaj

Gjirokastra, qytet i bukur arkitekturor në Shqipërinë jugore

Gjirokastra është destinacion turistik gjithëvjetor. Ka mbi 15 vjet në sitet e trashëgimisë kulturore të UNESCO-s, shquhet si qytet muzeal, i veçantë në arkitekturën e tij tërheq gjithnjë e më tepër vizitorë të huaj, shkruan albinfo.ch.

Fotografia e Blendi Klosi

Gjirokastra, qytet në Shqipërinë jugore, është në Listën e Trashëgimisë Botërore të UNESCO-s që nga viti 2005, si një nga pak shembujt e mbijetuar në Ballkan të qyteteve tregtare të stilit otoman, shkruan albinfo.ch.

Fotografia e Blendi Klosi

Vitet e fundit, Gjirokastra është kthyer në qytetin e preferuar të turistëve vendas e të huaj. E veçanta e këtij vendi është se cilësohet si qytet i gurtë dhe gjithnjë e më shumë po renditet si një nga qytetet elitare të turizmit shqiptar, duke thithur një numër gjithnjë në rritje të turistëve, pavarësisht pandemisë.

Fotografia e Blendi Klosi

Vlen të cekët se Gjirokastra cilësohet si vendi i lindjes së shkrimtarit shqiptar me famë botërore Ismail Kadare, por dhe i diktatorit famëkeq Enver Hoxha, qyteti është aq intrigues dhe kontravers, pasi ruan mirë gjithë fazat e historisë.

Fotografia e Blendi Klosi

Ka shumë për të parë, jo vetëm në këtë qytet unik, por në gjithë rajonin. Shumë afër Gjirokastrës është qyteti i bukur i luleve, Përmeti, i cili përshkohet nga lumi Vjosa, i vetmi lumë i egër në Europë. Një qytet plot mistere është dhe Tepelena, me histori të bukur dhe kanione e ujëvara mahnitëse. Ejani dhe eksploroni me ngadalë këtë rajon unik për të marrë një eksperiencë të paharrueshme. /Albinfo.ch

Fotografia e Blendi Klosi

Fotografia e Visit-Gjirokastra