Gjykata mbështet këtë vendim të Gjenevës

Një gjykatë vendase ka vendosur se autoritetet e Gjenevës kanë vepruar në mënyrë të ligjshme kur miratuan një rregullore për të ndaluar nxënësit ndërkufitarë nga Franca që të ndjekin shkollat e tyre shtetërore. Vendimi ishte apeluar nga një grup prindërish. 

Qeveria e Gjenevës ka ndaluar regjistrimet e reja të nxënësve nga kufiri me Francën për vitin shkollor 2018/19 për arsye buxhetore. 

Në një deklaratë të lëshuar të premten, Dhoma administrative e Gjykatës së Drejtësisë së kantonit tha se e kishte refuzuar ankesën, përcjell albinfo.ch. 

Romain Jordan, avokati që përfaqëson disa prindër në këtë rast, tha se ata do të shqyrtonin më tej vendimin e gjykatës. “Më shumë gjasa do të apelojmë në Gjykatën Federale Zvicerane“, tha ai, duke iu referuar gjykatës më të lartë të vendit në Lausanne.