Shqiperia

Gjykata shtyn për nesër vendimin për Sali Berishën

E martë, 26 Dhjetor 2023 - 14:45 albinfo.ch

Gjykata e Posaçme për Korrupsionin(GJKKO) dhe Krimin e Organizuar ka shtyrë marrjen e vendimit në lidhje me ish-kryeministrin Sali Berisha, përcjell albinfo.ch.

GJKKO pritet të marrë një vendim ditën e nesërme në seancën që do të fillojë në orën 11:00.

Berisha u përfaqësua në seancë nga avokatët e tij, Genc Gjokutaj dhe Sokol Mëngjesi.

Kujtojmë që SPAK kërkoi arrest shtëpiak për Berishën, pasi ai nuk respektoi masën e mëparshme të detyrimit të paraqitjes.

Kërkesa u dërgua në gjykatë pasi SPAK mori autorizim nga Kuvendi, i cili votoi me 75 vota pro për heqjen e imunitetit të Berishës.

Ky i fundit e ka quajtur një sulm politik ndaj tij vendimin, teksa pritet ende një reagim në lidhje shtyrjen e vendimit për ditën e nesërme.

 

 

 

 Të tjera nga Shqiperia

Besa Kokëdhima ndez skenën e Eurovision-it në Malmo të Suedisë

 E-Diaspora

 Jeta në Zvicër