Gjykata: Zgjedhja e Thaçit president, ishte e ligjshme

Gjykata Kushtetuese e Kosovës e konsideron të papranueshme kërkesën e opozitës për zgjedhjen e Thaçit-President. Sipas Gjykatës, zgjedhje Thaçit ishte “OK”

Tri ditë para se Hashim Thaçi të betohet në Kuvend të Kosovës për postin e presidentit të Shtetit është përgjigjur Gjykata Kushtetuese në kërkesën e opozitës, lidhur me ligjshmërinë e zgjedhjes së tij. Gjykata e konsideron të papranueshme kërkesën e opozitës, duke i dhënë dritë jeshile Thaçit për postin 5 vjeçar të Presidentit.

Opozita një muaj më pra i është drejtuar Gjykatës Kushtetuese duke synuar se zgjedhja e Thaçit, kryetarit të PDK-së në Kuvend, ishte e jashtëligjshme. Sipas opozitës në sallë nuk kanë qenë 35 deputetë, si dhe ka qenë situata e dhunës me ndërskamca e shantazhe në drejtim të deputetëve.

Sipas Gjykatës Kushtuese, vendimi për shpalljen e kërkesës opozitare të papranueshme hyn në fuqi menjëherë. Pas këtij vendimi, Thaçi të enjten do të betohet në Kuvendin e Kosovës për t’i shërbyer popullit dhe për të qenë faktor uniteti, ashtu siç e kërkon Kushtetuta.

Ndërsa një dit më vonë në sheshin “Skënderbe” në Prishtinë është paralajmëruar  ceremonia e ndërrimit të pushtetit nga Atifete Jahjaga te Hashim Thaçi. Në këtë ceremoni, sipas ekipit të Hashim Thaçit, janë ftuar rreth 500 mysafirë, përfshirë edhe burrështetas nga rajoni.

Ndryshe, Gjykata Kushtetuese më herët kishte rrëzuar nga pozita presidentit Fatmir Sejdiu dhe Begjet Pacolli.