Gjyqtari nga Kosova ndan drejtësinë në ndeshjen e Barcelonës në Ligën e Kampionëve

Ilustrim

Gjyqtari më i mirë shqiptar me pasaportë zvicerane, Bekim Zogaj vazhdon ta ndajë drejtësinë në arenën ndërkombëtare, transmeton albinfo.ch.

Zogajt këtë herë i është besuar drejtësia në stadiumin e famshëm “Camp Nou” në Ligën e Kampionëve, ku Barcelona do të ndeshet me Ferencvarosin.

Gjyqtari i njohur Zogaj do të ketë edhe një përvojë të re për herë të parë në nivelin e grupeve të Ligës së Kampionëve.

Barcelona është në Grupin G dhe të martën (më 20 tetor, 21.00) luan si vendas në Camp Nou  kundër Ferencvarosit, ku paraqitet sulmuesi i Shqipërisë, Myrto Uzuni.

Zogaj do të jetë gjyqtar anësor së bashku me Stephaine De Almeida nga Zvicra, kurse gjyqtar kryesor është zvicerani Sandro Scharer.