Gratë protestojnë kundër dhunës në Këln

Disa qindra gra u mblodhën të shtunën në mesditë në Këln për të protestuar kundër dhunës ndaj grave që kishte ndodhur për Vitit e Ri.

Me pankarta me mbishkrimet: “Jo do të thotë jo“ , „Ky është ligji ynë“ … Mos iu afroni …. „Jo dhunës ndaj grave“”, gratë në këtë qytet gjerman perëndimor kanë kërkuar nga autoritetet të dëgjohet zëri i tyre.

Njëqind ekipe policore të përforcuara u vendosën të shtunën në vende të ndryshme në Këln, me një total prej 1700 policëve, tha një zëdhënës për mediat në Këln.

Në të njëjtën kohë, në fillim të pasdites, jo shumë larg nga forcat shumta policore, rreth një mijë përkrahës të majtë ishin mbledhur në anën tjetër të sheshit kryesor në Këln me mbishkrimet: “Refugjatët janë të mirëpritur”.

Në sheshin e njëjtë me rastin e festimeve të Vitit të Ri janë regjistruar raste të dhunës, grabitje dhe disa raste të dhunimit seksual .

Nga 32 të dyshuarit  e identifikuara nga policia në Këln, 22 ishin azilkërkuesit nga Afrika  dhe vendet arabe, tha Ministria gjermane e Punëve të Brendshme.

Për shkak të sulmeve të ngjashme në Hamburg, Shtutgart dhe Berlin ka „shpërthyer“  debati mbi politikën e migracionit në Gjermani.