Greqia me masa të reja në Mykonos shkaku pandemisë

Mykonosi është një ishull që nuk fle kurrë, ndeja të mëdha në plazhe në kulmin e sezonit të verës i detyruan autoritetet të marrin masa më të ashpra

Greqia me masa të reja në Mykonos shkaku pandemisë nuk do të ketë më ndeja private, kufizimet do të respektohen edhe në restorante.

Greqia do të zgjerojë kufizimet në ishullin Mykonos, një destinacion popullor turistik si dhe në rajonin bregdetar të Halkidiki për të frenuar përhapjen e coronavirusit.

Ndejat plotësisht janë ndaluar, në maksimum nëntë persona do të jenë në gjendje të marrin pjesë në të gjitha tubimet publike dhe private gjersa vendosja e maskave është e detyrueshme vazhdimisht.

Katër persona mund të ulen në të njëjtën tryezë në restorante, por nëse janë pjesëtar të një familje mund të jenë edhe gjashtë klientë.

Ndryshe, Greqia ka regjistruar deri më tani gjithsej 7,472 raste të infektuar me coronavirus dhe 232 vdekje, përcjell albinfo.ch

---