Greqia nuk do të pranojë kushte të rrepta nga BE-ja, për shkak të COVID-19

(AP Photo/Luca Bruno)

Greqia nuk do të pranojë kushte të rrepta të Bashkimit Evropian për t’u mbrojtur nga koronavirusi, i tha Kryeministri Kyriakos Mitsotakis gazetës ‘Financial Times’ në një intervistë të botuar të dielën, përcjell albinfo.ch.

“Grekët janë pjekur shumë. Dhe, ne duam të bëjmë reformat tona”, tha ai. Sipas tij, një pauzë gjashtëmujore ekonomike ishte e mjaftueshme dhe nuk kishte nevojë për ndonjë “kushtëzim shtesë të rreptë”.

Të premten, ndërsa fliste në Parlament, kryeministri grek njoftoi për ndihma me vlerë prej 3.5 miliardë euro për të mbështetur bizneset e dëmtuara.

Ekonomia greke pritet të tkurret me rreth 8% në 10% këtë vit, para se të rikuperohet më 2021.