Greqia shtyn deri më 7 qershor masat kufizuese me Shqipërinë

Pavarësisht se Shqipëria vijon prej disa ditësh të ketë një trend të ulët të infektimeve me covid-19, Greqia ka vendosur që të shtyjë sërish masat kundër përhapjes së virusit me Shqipërinë, duke vijuar që ta mbajë të mbyllur kufirin.

Njoftimi është bërë nga Ambasada greke në Tiranë, ku me anë të një postimi në rrjetet sociale njofton se hyrja drejt Greqisë do të jetë e ndaluar deri më datë 7 qershor 2021.

Ndërkohë hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.

“Masat kufizuese që janë ndërkohë në fuqi për personat që udhëtojnë nga Shqipëria për në Greqi mbeten në fuqi deri në datën 7 qershor 2021”, shkruan Ambasada, shkruajnë mediat shqiptare, transmeton albinfo.ch.