Guardiola tregon nëse Messi do t’i bashkohet Cityt

Ish-trajneri i Barcelonas, Pep Guardiola, ka reaguar ndaj shkrimeve të fundit për një kalim të mundshëm të Lionel Messit te Manchester City, kjo pas prishjes së raporteve të tij me drejtorin sportiv, Eric Abidal.

Kjo përplasje ka turbulluar ujërat te klubi nga Camp Nou dhe mediat gjatë ditëve të fundit kanë shkruar për një largim të Messit nga Barcelona.

Një nga klubet që është lidhur më shumë me një transferim të lojtarit më të mirë në botë është Manchester City.

“Messi është një lojtar i Barcelonës. Ai do të qëndrojë atje. Nuk do të flas për lojtarët e një klubi tjetër. Mendoj se ai do ta përfundojë karrierën e tij atje”, ka thënë Guardiola.