Gzim Hasani, në jurinë për zgjedhjen e më të pasurve në kategorinë U30

Drejtori i SMZH-së bën pjesë këtë vit në jurinë e revistës së njohur Forbes për përpilimin e ranglistës së njerëzve më të pasur në botë, në kategorinë "Under 30"

Në komunitetin shqiptar dhe më gjerë ai është një emër i njohur dhe i dëshmuar. Është një ekspert i shquar financiar dhe udhëheq kompaninë prestigjioze smzh AG. Fjala është për Gzim Hasanin. Lajmi më i ri për të tregon që Gzim Hasani, drejtor i SMZH-së, bën pjesë këtë vit në jurinë e revistës së njohur Forbes për përpilimin e ranglistës së njerëzve më të pasur në botë, në kategorinë “Under 30”.

Ai po kontribuon aktivisht me ekspertizën e tij në procesin e përzgjedhjes, bën të ditur SMZH në një njoftim në mediat sociale, transmeton albinfo.ch.

Janë bërë mbi 2,900 nominime – një rekord i ri! Ajo që është veçanërisht e këndshme është se Zvicra është e përfaqësuar mirë, me pothuajse 50 talentë të shquar në listën e ngushtë ekskluzive.

Ngjarja do të zhvillohet në Cadillac City, Bahnhofstrasse 75/79, 8001 Cyrih dhe premton risi emocionuese në botën e novatorëve të së nesërmes.

Po kështu këtë vit CEO dhe partneri menaxhues i SMZH-së, Gzim Hasani, është zgjedhur nga CEO Monthly si CEO më ​​me ndikim 2024 në Zvicër në fushën e sigurimeve dhe zgjidhjeve të hipotekave.

 

---