Haradinaj: Nënë Tereza i dha botës shembull unik të humanizmit

Në 109-vjetorin e lindjes së Nënë Terezës, kryeministri i Kosovës në dorëheqje, Ramush Haradinaj, ka thënë se ajo i dha shembullin më unik dhe të papërsëritshëm humanizmit.

“Ajo e shndërroi në kult mesazhin e përkushtimit të nënave shqiptare, duke e universalizuar në përmasa botërore”, ka shkruar Haradinaj.

Haradinaj e kujton me krenari trashëgiminë e Nënës Terezë.

“Me krenari kujtojmë trashëgiminë e jashtëzakonshme të Shën Terezës, që në mënyrë të mahnitshme mishëroi idenë e shërbimit për paqe, duke i dhënë emër dhe vlerë popullit të saj. Të lartësuara qofshin përjetë emri dhe vepra e saj!”, ka shkruar Haradinaj.