Haradinaj nuk e mbajti premtimin lidhur me personat e zhdukur

Kryeministri pati premtuar se problemet që ka komisioni për të zhdukurit do t’i zgjidhte brenda një jave, gjë që nuk arriti ta bënte.

Kryeministri Haradinaj në mëngjesin e sotëm i ka pritur drejtuesit e Komisionit Qeveritar për Persona të Zhdukur dhe të gjitha organizatat që merren me çështjen e të zhdukurve, ku ka marrë pjesë edhe ambasadori britanik, Ruari O’Connell.

Kryeministri pati premtuar se problemet që ka ky komision do t’i zgjidhte brenda një jave, gjë që nuk arriti ta bënte.

Kërkesat ishin që të ndërrohej anëtari i UNMIK-ut që është pjesë e Komisionit qeveritar për të zhdukurit, të kërkohej zgjidhje për problemet që kanë mbetur pezull, siç janë caktimi i një zyrtari për sistemimin dhe ruajtjen e dokumentacionit dhe të gjendej zgjidhje për çështjen e 300 mbetjeve mortore në morgun e QKUK-së.