Hatije Ismaili shpallet mjekja më e mirë në Slloveni

"Në datën 28 shtator, Presidenti i Republikës së Sllovenisë ka dekoruar mjeken shqiptare Hatije Ismaili me çmimin "Mjeku më i mirë në Slloveni"

Ambasada Shqiptare në Slloveni ka njoftuar sot përmes një postimi në rrjetin social se një mjeke shqiptare është shpallur “Mjekja Më e Mirë në Slloveni”.

“Në datën 28 shtator, Presidenti i Republikës së Sllovenisë ka dekoruar mjeken shqiptare Hatije Ismaili me çmimin “Mjeku më i mirë në Slloveni”.

“Hatije Ismaili është mjeke gjinekologe në Novo Mesto të Sllovenisë. Humanizmi, profesionalizmi dhe përkushtimi i saj kanë bërë që ajo pas zgjedhjes si gjinekologija më e mirë, të votohet dhe të shpallet edhe mjekja më e mirë. Shqiptarja nga Gostivari bën krenar çdo shqiptar, jo vetëm në radhët e diasporës shqiptare në Slloveni, por për të gjithë shqiptarët nëpër botë. Ajo është model e shembull për t’u admiruar për rolin dhe mundësitë e gruas shqiptare, histori suksesi që i bën krenarë të gjithë shqiptarët”, thuhet në postim.

Ndër të tjerash ambasada e përgëzon Ismailin për këtë arritje.

---