Hebrenjtë falendërojnë institucionet

Bashkesia Hebraike e Kosovës, ka shprehur mirenjohjen e sinqertë për institucionet e Republikës së Kosovës, Presidentes, Qeverisë, Shoqatës së Miqësisë Kosovë-Izrael ”Dr. Haim Abravanel”, poashtu edhe Ambasadën Amerikane në Prishtinë, e veçmas Ministrinë e Kulturës, Rinisë dhe Sporteve, për reagimin e menjëhershëm pas sulmit vandal që iu ka bërë ”Varrezave të Vjetra Hebraike” në Prishtinë.

”Përshendesim aksionin e ndermarrë nga organet e Ministrisë së Kultures për pastrimin sa më të shpejtë të këtyre grafiteve, me të cilën u dëshmua se institucionet e shtetit tonë janë përherë të gatshme të mbrojnë interesat e qytetarëve, pa dallim përkatësie, e natyrisht edhe ato të komunitetit hebraik në Kosovë, i cili edhe pse sot jo në numër aq të madh në vendin tonë, por me një trashëgimi shumë të pasur të lënë pas” thuhet në komunikatë.

Bashkesia Hebraike e Kosovës u ka bërë thirrje organeve të rendit që sa më parë pergjegjësit të vihen para drejtesisë.