Tematike
Parlamenti hedh poshtë mocionin për fitimin e pasaportës zvicerane me lindje
Por Dhoma e Kantoneve pranoi për shqyrtim të mëtejmë një mocion nga deputetja Lisa Mazzone që kërkon lehtësimin e natyralizimit
Dhoma e Kantoneve (Senati) e Parlamentit të Zvicrës ka hedhur sot poshtë mocionin e deputetit Paul Rechsteiner (PS / SG) me 29 vota kundër 13 Pro dhe asnjë abstenim.
Politikani me stazhin më të gjatë në parlament, me mocionin e tij kishte kërkuar që të huajt që linden në Zvicër të fitonin shtetësinë zvicerane në mënyrë automatike, shkreuan albinfo.ch.
Me këtë votim kundër, mocioni i tij nuk është më në rend dite.
Megjithatë, pa kundërshtime, kjo dhomë pranoi për shqyrtim të mëtejmë një mocion nga deputetja Lisa Mazzone (Të Gjelbrit / Gjenevë), transmeton albinfo.ch. Mocioni i saj i dërgohet Komisionit të Politikave Shtetërore (SPK-S) për shqyrtim.
Mazzone dëshiron që Qeveria Federale të lehtësojë jo vetëm natyralizimin e të huajve të brezit të tretë, siç ka bërë deri tani, por edhe atë të brezit të dytë.
Edhe Këshilli Federal ka rekomanduar që mocioni të refuzohej. Me një automatizëm, Zvicra nuk mund të kontrollonte më në mënyrë adekuate natyralizimet dhe përfundimisht edhe emigracionin, është shprehur në debat Ministrja e Drejtësisë Karin Keller-Sutter.
Sistemi aktual i natyralizimit merr mjaftueshëm parasysh të drejtat e njeriut dhe situatën e njerëzve të lindur në Zvicër, ka argumentuar qeveria e shtetit, përcjell albinfo.ch Procedura e natyralizimit kujdeset që të natyralizohen ata që janë integruar mirë dhe nuk përbëjnë kërcënim për sigurinë e Zvicrës.
Parimi “ius soli”, sipas të cilit, tëgjithë ata që linden në një shtet të caktuar, fitojnë automatikisht pasaportën e atuij shteti, tashmë është në fuqi në vende si Gjermania dhe Amerika. Diçka të tillë po kërkon deputeti në Dhomën e Kantoneve (në senat) të Zvicrës, Paul Rechsteiner nga Partia Socialdemokrate, transmeton albinfo.ch.
Politikani i njohur nga St. Galleni, Paul Rechtsteiner dëshiron të ndryshojë rrënjësisht shtetësinë zvicerane. Në një intervistë për gazetat CH Media, ai ka bërë të qartë se përse duhet të aplikohet “ius soli” në të ardhmen edhe në Zvicër.
Zvicra duhet të bëjë një hap përpara. “Zvicra sot është një demokraci me tri të katërtat. Një e katërta e njerëzve kanë pasaportë të huaj dhe rrjedhimisht janë të përjashtuar nga të drejtat civile”. Kjo duhet të ndryshojë, kërkon Rechsteiner.
Ai thekson se ata që rriten këtu dhe përmbushin detyrimet e tyre shoqërore, janë pjesë e ekonomisë dhe shoqërisë, prandaj duhet tu jepen edhe të drejtat përkatëse civile.
Të ngjashme
Të tjera nga Tematike
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën