Lajme

Hoteli i parë lundrues, anije në Zvicër

Në Romandi të Zvicres për herë të parë do të ndërtohet hoteli lundrues, ku mund të kaloni natën

Është bërë e ditur se MS Attila, një anije me mbi tridhjetë vjet shërbim, së shpejti do të shndërrohet në një hotel të vërtetë lundrues. Duke filluar verën e ardhshme, varka do të lundrojë ujërat e liqeneve të Morat, Bienne dhe Neuchâtel nëpër kanalet që i lidhin ato, transmeton albinfo.ch.

Thuhet se anija, e vendosur në breg do të renovohet në Sugiez, në kantonin e Fribourg, në përfundim të punimeve do të ketë nëntë kabina dhe një sallon të madh, dhe do të udhëtojë me dy motorë elektrikë dhe duhet theksuar se kjo do të jetë anija e parë në Zvicër ku mund të kaloni natën.

Sipas raporteve të datuara më herët thuhet se anija e ndërtuar në vitin 1987, ka shërbyer si mjet lundrues për vite me radhë në Gjermani. Fillimisht 16,5 metra e gjatë, më 1993 u shtrinë në 27 metra. Ajo erdhi në ujërat zvicerane më 2002 dhe më pas u përdor për ndërtimin e Expo.02 në Yverdon. Që atëherë ajo ka pritur kryesisht evente. /ATS/