Kosova

I vazhdohet mandati EULEX-it deri më 2025

E martë, 6 Qershor 2023 - 19:20 albinfo.ch

Këshilli i Bashkimit Evropian ka marrë vendim për të vazhduar mandatin e misionit për sundimin e Ligjit në Kosovë – EULEX.

Sipas vendimit, EULEX do të këshillojë deri më 14 qershor të vitit 2025, përcjell albinfo.ch.

“Në kontekstin e rishikimit strategjik të EULEX-it në KOSOVË, Komiteti Politik dhe i Sigurisë (KPS) u pajtua që misioni EULEX të zgjatet deri më 14 qershor 2025. KPS-ja gjithashtu u pajtua që, përveç vazhdimit të zbatimit të detyrave, EULEX duhet të ndihmojë autoritetet e zbatimit të ligjit të Kosovës në zhvillimin e kapaciteteve të tyre për të shkëmbyer informacione me homologët rajonalë dhe ndërkombëtarë në fushën e ndihmës juridike dhe bashkëpunimit në çështjet penale”, thuhet në njoftimin zyrtar.