“IKEA” ka shitur për 38.8 miliardë euro mobilie në gjithë botën

Shitoret e mobilieve “IKEA” kishin realizuar shitje me pakicë që arrijnë shifrën 38.3 miliardë euro, duke përfshirë shitjet në internet, për vitin fiskal deri në fund të gushtit 2017. Shuma është 5% më e lartë se një vit më parë, tha kompania përgjegjëse “Inter IKEA”, përcjell albinfo.ch.
Bëhet fjalë për 403 dyqane në gjithsej 49 tregje në gjithë botën.

Në vitin paraprak fiskal, deri në fund të gushtit 2016, shitjet totale me pakicë u rritën me 8%.

“Në vitin 2018 është planifikuar të hapen 22 dyqane të reja “IKEA” në Indi dhe Letoni dhe zgjerimin e vazhdueshëm të formateve të reja dhe zgjerimin e tregtisë elektronike”, thotë “Inter IKEA”.
“Në afat të gjatë ne do të vazhdojmë të studiojmë mënyra të reja për të tërhequr klientët në tregjet ekzistuese dhe potenciale të reja me një fokus në Azinë Juglindore dhe Amerikën e Jugut”, shtoi kompania.

Dyqanet “IKEA” janë në pronësi të 11 franchisees, nga të cilat “IKEA Group” është më i madh me 355 dyqane.