Infeksioni që po përhapet me shpejtësi në Evropë

Në Evropë po përhapet me shpejtësi një valë e re infeksioni. Duke filluar nga muaji prill e deri më tani, janë regjistruar 203 raste të shigelozës, me bakterin shigella, në qendrën evropiane për parandalimin dhe kontrollin e sëmundjeve.

Infeksioni shkakton diarre akute, ethe, nauze, të vjella dhe dhimbje barku. Nuk është një infeksion i ri, ai ka qenë prezent dhe në vitet e mëparshme, por kohët e fundit po merr përmasa serioze.

Në vitin 2021 e deri më tani janë regjistruar 95 raste në Britani. Ajo që po shqetëson mjekët është fakti që ky bakter po rezulton rezistent ndaj antibiotokëve, transmeton euronews, përcjell albinfo.ch.

Në Qendrën evropiane për parandalimin dhe kontrollin e sëmundjeve, raportohet se të gjitha rastet e paraqitura tregojnë rezistencë ndaj antibiotikëve të linjës së parë dhe të dytë, të cilat janë trajtime që mjekët preferojnë t’i përshkruajnë fillimisht, pasi kanë rrezik më të ulët të efekteve anësore.

Mjekët po ndihen në rrezik, pasi opsionet për të trajtuar infeksionin janë të pakta.

Gjatë vitit të kaluar janë raportuar 26 raste në Belgjikë, 13 raste në Danimarkë, 33 raste në Gjermani, 50 raste në Irlandë, 21 raste në Holandë dhe në Spanjë më shumë se 60 raste.

Bakteret shigella përhapen përmes feqeve të njeriut, zakonisht përmes seksit oral-anal, por edhe aktiviteteve joseksuale, si kontakti me duart dhe objektet që kanë qenë në kontakt me feçet.

ECDC po paralajmëron këdo që ka simptoma të ketë kujdes të shtuar për higjienën personale dhe të përpiqet të testohet për infeksione bakteriale dhe infeksione të tjera seksualisht të transmetueshme.