iPhone 14 Pro i Apple pritet të ketë një kamerë prej 48 megapiksel

Raportimet e reja thonë se iPhone 14 Pro i ardhshëm i Apple do të ketë një kamerë 48 megapiksel.

Kjo do të jetë hera e tretë që Apple rrit rezolucionin e kamerës kryesore të iPhone. Hera e parë ka ndodhur në rastin e iPhone 4 dhe 4S kur është rritur nga 5 në 8 MP dhe herën e dytë në rastin e iPhone 6 dhe 6S kur ka pasur rritje nga 8 në 12 MP.

Apple ndoshta ka nevojë për një rezolucion më të lartë për modelet Pro për të regjistruar video 8K, por ato mund të regjistrohen edhe në rezolucione të tjera në varësi të skenës, shkruan Gsmarena.com, përcjell albinfo.ch. Fotot e portretit dhe të peizazhit do të përfitojnë më shumë megapikselë, dhe fotot e marra në kushte me dritë të ulët mund të kombinohen me 12 MP.

Analisti Ming-Chi Kuo ka folur disa herë për kamerën 48 MP për iPhone 14 dhe 14 Pro, dhe gjithashtu ka njoftuar zmadhimin e periskopit për iPhone 15, i cili vjen në vitin 2023.

Sa i përket pjesës së përparme të iPhone 14, raportet thonë se dhëmbi në ekran do të zëvendësohet me një prerje të shpuar dhe ende nuk dihet nëse do të jetë i rrumbullakët apo në formë pilule me teknologjinë e integruar FaceID.