Ish-kryeministri i Skocisë vdes gjatë një konference në Maqedoninë e Veriut

Foto: Alba Party, Facebook

Alex Salmond, ish-kryeministri i Skocisë që e udhëhoqi Skocinë në prag të pavarësisë, ka vdekur në moshën 69-vjeçare. Ai u rrëzua pasi mbajti një fjalim në Maqedoninë e Veriut të shtunën.

Salmond shërbeu si ministër i parë i Skocisë nga viti 2007. Ai u tërhoq nga posti pasi dështoi të siguronte pavarësinë në referendumin e vitit 2014, duke ia dorëzuar zëvendësit të tij, Nicola Sturgeon.

Kryeministri i Skocisë, John Swinney, tha se ishte “thellësisht i tronditur dhe i pikëlluar”.

“Aleksi punoi pa u lodhur dhe luftoi pa frikë për vendin që donte dhe për pavarësinë e saj. Ai mori në qeveri Partinë Kombëtare Skoceze nga skajet e politikës skoceze dhe e udhëhoqi Skocinë aq afër që të bëhej një vend i pavarur.

Kryeministri britanik, Keir Starmer, tha se Salmond kishte qenë një “figurë monumentale” për më shumë se 30 vjet.

“Ai lë pas një trashëgimi të qëndrueshme”, tha ai. “Si ministër i parë i Skocisë ai kujdesej thellësisht për trashëgiminë, historinë dhe kulturën e Skocisë, si dhe për komunitetet që ai përfaqësoi si deputet dhe MSP gjatë shumë viteve të shërbimit.

“Mendimet e mia janë me ata që e njohën, familjen dhe të dashurit e tij. Në emër të qeverisë së Mbretërisë së Bashkuar, u shpreh ngushëllimet tona sot”.

Mediat në Maqedoni të Veriut shkruajnë se Salmond vdiq gjatë drekës së konferencës që u mbajt në hotelin Inex Gorica në Ohër. Supozohet se shkaku i vdekjes ishte një atak në zemër.

Përpjekjet e ekipit mjekësor të Ambulancës së Ohrit për reanimim kanë rezultuar të pasuksesshme, njofton “Alsat M”.

Salmondi dje pati një prezantim në edicionin e dytë të Forumit për Diplomaci Kulturore, të bashkëorganizuar nga zyra e ish-presidentit Gjorge Ivanov, Qendra Ndërkombëtare “Aleanca e Qytetërimeve” dhe Instituti për Diplomaci Kulturore nga Berlini./The Guardian