Ish-ministri i Infrastrukturës kërkon nga qeveria sqarim për 53 milionë eurot e ndara për Bechtel Enkën

Kompania Bechtel Enka do të marrë edhe një shumë prej 53 milionë eurove, pas zgjatjes së kontratës për autostradën “Arbër Xhaferi”.

Ish- ministri i Infrastrukturës, Lutfi Zharku ka kërkuar që Qeveria e Kosovës të sqaroj se pse po i ndanë 53 milion euro për Bechtel Enkan, përcjell albinfo.ch.

Sipas zyrtarëve qeveritar e gjithë  kjo shumë po i jepet Bechtel-it për të bërë që Kosova të mos përfundoj në konteste ligjore e më pas në Gjykatën Ndërkombëtare.

Ministri i Infrastrukturës  Pal Lekaj,  fajin për këtë shumë parash e ka hedhur tek qeverisja  e kaluar, e cila sipas tij  nga  viti 2014 deri 2017, nuk ia kishte paguar me rregull faturat vjetore kësaj kompanie

“Jo kurrë. Jo kurrë. Kjo është pasojë e keqmenaxhimit të kësaj Qeverie”, ka thënë Zharku.

Bechtel Enka do të marrë një shumë prej 53 milionë eurove, për shkak të mos pagesave dhe vonimit të pagesave të faturave vjetore, përcjell albinfo.ch.