Itali, makina përplas për vdekje shqiptarin që po lëvizte me skuter

@pixabay

Një aksident i rëndë është shënuar në Itali, në Castiglione del Lago, ku ka humbur jetën një 17-vjeçar shqiptar, përcjell albinfo.ch.

Bëhet me dije se shqiptari ka qenë duke lëvizur me një skuter së bashku me një mik, kur janë përplasur nga një makinë që po lëvizte me shpejtësi.

Menjëherë pas aksidentit, të rinjtë u dërguar në spital, ku 17-vjeçari shqiptar ndërroi jetë, ndërsa miku i tij ndodhet ende nën kujdesin e mjekëve.

Sipas mediave italiane, prokurori Massimo Casucci ka urdhëruar tashmë të gjitha analizat klinike për drejtuesin e makinës, një 40-vjeçar.