Italia e Spanja me mungesa ndaj Shqipërisë

Kundërshtarët e Shqipërisë janë të telashe, pasi para dy përballjeve të fundit po përballen me disa mungesa

Të premten dhe të hënën, Shqipëria do t’i zhvillojë dy ndeshjet e fundit kualifikuese për Kampionatin Botëror “Rusia 2018”. Kuqezinjtë nuk kanë gjasa për kualifikim, megjithatë shpresohet në paraqitje të mira në këto përballje, shkruan albinfo.ch.

Kuqezinjtë do të kenë mungesa sidomos ndaj Spanjës, por edhe ndaj Italisë, megjithatë edhe kundërshtarët po përballen me vështirësi.

Trajneri i Italisë, Giampiero Ventura është në telashe, pasi lojtari i fundit i lënduar është Lorenzo Pellegrini. Gjithashtu edhe Daniele De Rossi është në dyshim të madh. Më herët ishte konfirmuar mungesa e mesfushorit Marco Verratti dhe sulmuesit Andrea Belotti.

Edhe Spanja ka disa mungesa si Andres Iniesta, Alvaro Morata dhe Dani Carvajal.

Ndeshjet do të zhvillohen më 6 dhe 9 tetor.