Italia forcon ligjin për mbrojtjen e kafshëve: deri në 4 vite burg për keqtrajtuesit

Pixabay: Ilustrim

Senati italian ka miratuar një ligj të ri me 15 nene që parashikon dënime më të ashpra për krimet ndaj kafshëve.

Ligji ndalon lidhjen me zinxhir të qenve dhe kafshëve të tjera shtëpiake, luftimet dhe garat ilegale me kafshë, si dhe shitjen e lëkurave të maceve. Për keqtrajtim që çon në vdekje të kafshës, dënimi shkon deri në 4 vite burg, transmeton albinfo.ch.

Përveç kësaj, kafshët e përfshira në krim do të konfiskohen dhe do t’u dorëzohen shoqatave të autorizuara. Ligji parashikon gjithashtu përgjegjësi dhe gjoba të rënda për kompanitë që kryejnë veprime të paligjshme ndaj kafshëve.