Lajme

Italiania nget makinën me 225 km/orë në rrugën ku lejohet 100 km/orë

Ajo tani përballet me pasoja ligjore dhe nuk lejohet më të drejtojë automjet në Zvicër. Një pdi është ngritur kundër saj.

E hënë, 8 Shtator 2025 - 15:45 albinfo.ch

Në fund të qershorit 2025, një grua italiane 22-vjeçare kishte ngarë makinën me shpejtësi 225 kilometra në orë në autostradën A2 pranë Balerna TI. Limiti i shpejtësisë në atë vend ishte vetëm 100 kilometra në orë, transmeton albinfo.ch.

Pas dy muajsh hetimi, policia kantonale e Ticinos arriti të përcaktojë identitetin e shoferes dhe ta gjejë atë, shkruan blick.ch.

Gruaja, e cila jeton në provincën e Milanos, është marrë në pyetje që atëherë.

Ajo tani përballet me pasoja ligjore dhe nuk lejohet më të drejtojë automjet në Zvicër.

Një padi është ngritur kundër saj.