Ja cilët sektorë u prekën më shumë nga shpërnguljet në Maqedoninë e Veriut

EPA/VALDRIN XHEMAJ

Papunësia në Maqedoninë e Veriut prek më shumë bujqësinë, ndërtimtarinë dhe gastronominë

Sektorët më të prekur nga papunësia në Maqedoninë e Veriut janë bujqësia, ndërtimtaria, gastronomia dhe turizmi, kryesisht për shkak të pagave të ulëta. Sipas Ivan Peshevskit nga Federata e Sindikatave, shumë punëtorë largohen sezonalisht drejt vendeve si Serbia, Kroacia dhe Sllovenia për paga më të larta.

Vetëm vitin e kaluar, në Kroaci u lëshuan mbi 10,000 leje pune për shtetas maqedonas, duke e thelluar më tej mungesën e fuqisë punëtore në këta sektorë. Drejtori i Agjencisë së Punësimit, Selatin Beluli, thekson se rritja e pagave është e vetmja mënyrë për të frenuar këtë trend, raporton Alsat, transmeton albinfo.ch.

Për të plotësuar mungesën e fuqisë punëtore, autoritetet kanë miratuar një ligj që lejon studentët, pensionistët dhe të papunët të punojnë në mënyrë sezonale, duke përfituar sigurim shëndetësor dhe pensional.