Lajme
Ja pse duhet të pini ujë të ngrohtë me limon çdo mëngjes
![](https://www.albinfo.ch/wp-content/uploads/2021/05/89dd98c0-d56b-4a44-a501-a4e2b0025c6e.jpeg)
Ekspertët e shëndetësisë shprehen se konsumimi i ujit të ngrohtë në mëngjes ofron një sërë përfitimesh shëndetësore, transmeton albinfo.ch.
Thuhet se uji i ftohtë mund të jetë freskues, por në të vërtetë pengon procesin e përthithjes së lëndëve ushqyese gjatë tretjes.
Në kulturën e lashtë kineze dhe indiane, besohet se pirja e ujit të ngrohtë kur zgjoheni ndihmon në përmirësimin e tretjes. Shtimi i limonit mund të sigurojë edhe më shumë përfitime shëndetësore.
Lehtëson kongjestionin e sinusit
Kur ndiheni të sëmurë, të gjithë rekomandojnë që të konsumoni çaj të nxehtë për të kaluar më shpejt një infeksion. Pirja e ujit të ngrohtë në mëngjes mund të pastrojë sinuset tuaja dhe të merrni frymë më lehtësisht. Nëse e shoqëroni me limon, mund të forcojë sistemin imunitar për shkak të sasive të larta të antioksidantëve.
Ndikon në tretjen e shëndetshme
Nëse keni probleme me tretjen, uji i ngrohtë me limon mund të shërbejë si një ilaç i fuqishëm natyror. Ndihmon në zgjerimin e enëve të gjakut, si dhe të ndiheni më të hidratuar, duke bërë që trupi të çlirojë toksinat shumë më shpejt. Limoni gjithashtu mund të ndihmojë në detoksimin e trupit, pasi është vërtetuar shkencërisht se përmirëson funksionimin e mëlçisë.
Qetëson sistemin nervor qendror
Pirja e ujit të ngrohtë mund t’ju ndihmojë të relaksoheni dhe të ndiheni më pak të stresuar, veçanërisht nëse shtoni limon. Ky i fundit përmirëson gjendjen shpirtërore dhe përqendrimin për shkak të norepinephrinës.
Ju mban më të hidratuar
Uji i ngrohtë ju ndihmon të qëndroni të hidratuar më shumë se uji i ftohtë, pasi trupi thith ujin e ngrohtë më shpejt. Kjo do të thotë që ndoshta nuk do të keni nevojë të pini sa më shumë gota ujë për të qenë të hidratuar. Limoni ju mban të hidratuar gjithashtu për shkak të përmbajtjes së lartë të ujit dhe aromës freskuese.
Ndihmon në humbjen e peshës
Uji i ngrohtë “zgjon” zorrët tuaja, duke eleminuar toksinat dhe peshën e tepërt të ujit. Limoni gjithashtu ndihmon për të humbur peshë, pasi ju mban të hidratuar. Studimet kanë treguar që hidratimi i duhur mund të jetë një komponent kryesor i humbjes së peshës.
Nxit qarkullimin e gjakut
Pirja e ujit me limon çdo mëngjes nxit qarkullimin e gjakut, për shkak të antioksidantëve që ndihmojnë për të rritur nivelin e oksigjenit në gjithë trupin.
Ndihmon për të qetësuar muskujt
Nëse keni probleme të flini natën, provoni të pini ujë të ngrohtë me limon para se të shtriheni. Ose, nëse keni ankth në mëngjes për shkak të stresit, mos harroni një gotë të ngrohtë me ujë dhe limon për ta nisur ditën sa më mirë.
Mund të eliminojë toksinat
Kur pini ujë të ngrohtë, temperatura e brendshme e trupit fillon të rritet. Kur kjo ndodh, sistemi endokrin aktivizohet, duke ju bërë që të djersiteni dhe të eliminoni toksinat.
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n