Japonia deri tani e ka ndihmuar Kosovën me mbi 550 milionë dollarë

Profesori Blerim Latifi ka reaguar pas vrasjes së ish-kryeministrit japones Shinzo Abe, për të cilin tha se vrasja e tij ishte sot lajmi kryesor në botë, përcjell albinfo.ch.

Përmes një shkrimi në Facebook, Latifi tha se që nga përfundimi i luftës, Japonia e ka ndihmuar Kosovën në shumë fusha, ndihmë që sipas statistikave kap shifrën e mbi 550 milionë dollarëve.

“Dhe krejt këtë pa bërë reklamë, pa propagandë, pa kushtëzime ideologjike, pa agjenda të fshehta johumanitare. Sepse disa popuj edhe në bamirësi tregojnë zotnillëk. Dhe japonezët pa dyshim bëjnë pjesë në mesin e tyre”, tha Latifi.

Kujtojmë se ish-kryeministri i Japonisë, Shinzo Abe, u vra sot nga një person gjatë një fjalimi që ishte duke e mbajtur.