Jehon kënga dhe vallja shqipe në hapjen e Qendrës së re të Kulturës Shqiptare në Zagreb

Zyrtarisht u bë hapja e Qendrës së re të Kulturës Shqiptare në Zagreb, shkruan albinfo.ch.

Ky moment i veçantë përfaqëson një hap të madh për komunitetin tonë dhe është rezultat i viteve të punës së palodhur të përkushtuar nga shumë individë.

Shtëpia do të jetë një vend tubimi, ku komuniteti ynë do të ketë mundësinë të gëzojë dhe të festojë trashëgiminë e pasur kulturore. Faleminderit të gjithëve që e nderuan hapjen e sotme me praninë e tyre. Kjo shtëpi nuk është thjesht ndërtesë, por simbol i bashkësisë dhe krenarisë së kulturës sonë shqiptare.

“Ne duam që kjo të jetë një hapësirë ku zhvillohen miqësitë, shprehitë artistike, edukimi dhe diversiteti. Presim me padurim ngjarjet dhe aktivitetet e ardhshme për të pasuruar komunitetin tonë. Faleminderit të gjithëve që kontribuan në realizimin e kësaj ëndrre”, është shprehur Ermina Lekaj Prljaskaj.