Jehona Berbati zë vendin e parë për oratori në Burgerland

Ajo i ka hyrë garës me një fjalim klasik që kishte për temë Lirinë. Përse Jehona ka zgjedhur pikërisht këtë temë?

Në shkollat austriake ekziston një praktikë interesante e garave për oratori ose për fjalimin më të bukur. Ato mbahen në nivele më të ulëta por edhe në nivele të njësive federale (Land-eve) dhe në nivel të shtetit dhe në kategori të ndryshme, bazuar në ciklin shkollor.

Në garat e mbajtura pak ditë më parë, në kategorinë “Shkollat e mesme” në nivel të landit (Burgerland), vendin e parë e ka zënë nxënësja me rrënjë shqiptare, Jehona Berbati. Nxënësja e klasës  dytës e Shkollës së mesme tregtare Oberpullendorf, shkruan meinbezirk.at. Ajo i ka hyrë garës me një fjalim klasik që kishte për temë Lirinë, transmeton albinfo.ch. Përse Jehona ka zgjedhur pikërisht këtë temë?

”Unë kam biseduar shumë me prindërit  emi, të cilët kanë ardhur nga Kosova në Austri si të rinj. Nga këto bashkëbisedime të bëhet e qartë se liria, ashtu siç e njohim ne, nuk është një gjë e vetëkuptueshme. Prindërit e mi prandaj kanë luftuar dhe punuar që të mund të më jepnin mua këtu lirinë që e gëzoj!”, shprehet Jehona Berbati.

Në fillim thotë të ketë qenë shumë e emocionuar, nga fakti se gara zhvillohet para një publiku të madh në numër dhe para tre anëtarëve të jurisë, përcjellö albinfo.ch. Por, pas tri fjalive të para, gjithçka kishte rrjedhur më lehtë.

Jehona üpër këtë garë është përgatitur së bashku me profesoreshën e saj të gjermanishtes Judith Friedl si dhe me motrën e saj. Kjo e fundit kishte marrë pjesë vetë më parë në këtë garë prandaj kishte mundësi t`i jipte Jehonës këshilla me vlerë.

---