Ka vjedhur edhe policinë, kosovari gjykohet nën masa të rrepta sigurie

Aksioni më spektakolar i bandës ka qenë ai kur kanë hyrë në makinën e policëve (civilë), me ç`rast kanë marrë pajisjet dhe kanë ikur pa u pikasur

Ne gjykatën e Landit në Berlin po zhvillohet një proces gjyqësor kundër një grupi prej gjashtë personash të udhëhequr nga një kosovar, të dyshuar për grabitje të bëra kryesisht në qendrat tregtare dhe në shitoret e stolive, në Berlin e Bradenburg. Banda, në krye të të cilës qëndronte kosovari me emrin Adnan H., ishte bërë e njohur për shpejtësinë e grabitjeve të bëra, sa që ato janë emërtuar si “vetëtima”.

Për  gjithsej 9 “vetëtima” të tilla ngarkohet grupi.

Ata kanë thyer vitrinat e shitoreve të stolive të shtrenjta dhe pasi kanë zbrazur ato, kanë ikur shpejtë me veturat e marra me qira duke kaluar me forcë përmes dyerve të përforcuara me grila hekuri.

Por aksioni më spektakolar i bandës ka qenë ai kur kanë hyrë në makinën e policëve (civilë), me ç`rast kanë marrë pajisjet si armë, karikatorë me fushekë, helmeta, rripa, pranga etj. dhe kanë ikur pa u pikasur. Por, si ka mundur të ndodhë kjo gjë?

Policia mendon se çifti i policëve civilë, ishte duke e përgjuar bandën, shkruan bild.de. Por, për të mos rënë ë sy se po përgjojnë, ata e kanë lënë veturën dhe kanë filluar të aktrojnë sikur të ishin një çift të dashuruarish. Mirëpo, si duket janüe thelluar shumë në rolet e tyre sa që nuk e kanë parë kur u është plaçkitur vetura.

Për shkak të rrezikshmërisë që mendohet se paraqesin, gjykimi i grupit po bëhet nën masa të ashpra sigurie. Adnani, shefi i bandës flet para trupit gjykues nga kabina prej qelqi të padepërtueshëm nga plumbat.