Kalendari i kuqezinjve: E nisin me Italinë, e mbyllin me Spanjën

Kuqezinjtë ndodhen në Grupin B, së bashku me Spanjën, Kroacinë dhe Italinë

Pas njohjes së kundërshtarëve në finalet e Evropianit “Gjermani 2024”, është përcaktuar edhe kalendari i ndeshjeve të Shqipërisë në këtë garë.

Kuqezinjtë ndodhen në Grupin B, së bashku me Spanjën, Kroacinë dhe Italinë, përcjell albinfo.ch.

Shqipëria do ta nisë rrugëtimin në Evropian ndaj Italisë më 15 qershor 2024. Ky takim do të luhet në stadiumin “BVB Stadion Dortmund”. Katër ditë më pas, më 19 qershor 2024, Shqipëria do të luajë ndeshjen e dytë në Evropian ndaj Kroacisë në stadiumin e “Hamburg”. Takimi i fundit në Grupin B për kuqezinjtë do të jetë ndaj Spanjës. Ndeshja do të luhet më 24 qershor 2024, në stadiumin “Düsseldorf Arena”.

Orari

15.06.2024 Itali vs Shqipëri BVB “Stadion Dortmund”

19.06.2024 Kroaci vs Shqipëri “Volksparkstadion Hamburg”

24.06.2024 Shqipëri vs Spanjë “Düsseldorf Arena”

 

---