Mbi 1 milion testime për Covid-19 në Zvicër

Të dhënat e fundit në Zvicër rreth numrit të të prekurve nga koronavirusi

Mbi 1 milion testime janë kryer në Zvicër që nga fillimi i pandemisë. Të dhënat e fundit tregojnë se në Zvicër që nga fillimi i pandemisë e deri tani ka bërë 1,023,203 testime gjithë popullatës zvicerane, transmeton albinfo.ch.

Nga numri total i testimeve, 42,393 persona kanë dalë të infektuar me koronavirus.

Autoritetet shëndetësore zvicerane kanë bërë të ditur se Zvicra ka rritje mesatare të infeksioneve. Vlen të theksohet se që prej fillimit të qershorit 2020 kantonet me shkallë më të lartë të infeksionit për frymë kanë qenë: Gjeneva, Jura, Valais, Fribourg, Zug, Vaud, Cyrih, Schwyz, Uri dhe Aargau, sipas korona-data.ch. Gjeneva dhe Jura kanë udhëhequr listën me normat më të larta të infeksionit në Zvicër që nga 1 qershori i vitit 2020.

Sidoqftë, përkundër të prekurve, të dhënat e fundit tregojnë se numri i të shëruarve në Zvicër është rritur dukshëm në këto ditët e fundit. Gjatë kësaj jave, në Zvicër janë raportuar se numri i shërimeve ka arritur në 36,300 persona.

Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.

---