Lajme

Kalon shifra mbi 100 mijë të infektuar në Zvicër

Zvicër: Që nga fillimi i pandemisë e deri më tani, 103,653 infektime

Autoritetet shëndetësore zvicerane kanë bërë të ditur se Zvicra po shënon një rritje të madhe të infeksioneve, vetëm dje Zyra Federale e Shëndetit Publik (BAG) ka raportuar gjithsej 6634 infeksione të reja me koronavirus, të regjistruara në Zvicër dhe Lihtenshtajn, transmeton albinfo.ch.

Statistikat e fundit tregojnë se që nga fillimi i pandemisë e deri më tani janë 103,653 infektime gjithsej, ndërkohë që numri i testimeve ka kaluar shifren e 1.7 milionëve.

Vlen të theksohet se që prej fillimit të qershorit 2020, kantonet me shkallë më të lartë të infeksionit për frymë kanë qenë: Gjeneva, Jura, Valais, Fribourg, Zug, Vaud, Cyrih, Schwyz, Uri dhe Aargau.

Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.

 


LAJME INTERESANTE NGA INTERNETI