Kampioni i Zvicrës kërkon Albian Ajetin

Baseli po kërkon një sulmues të ri, dhe njëri nga emrat e përmendur është Albian Ajeti, i cili pikërisht në këtë skuadër mori hapat e parë në futboll

Futbollisti shqiptar, Albian Ajeti po shkëlqen me skuadrën e St. Gallenit në Superligën zvicerane.

Kjo ka tërhequr edhe vëmendjen e Baselit, aty ku Ajeti filloi hapat e parë në futboll, shkruan ‘Blick’, përcjell albinfo.ch.

Ajeti pikërisht ka lindur në Bazel dhe është formuar te kjo skuadër, derisa tani është i huazuar në St. Gallen nga Augsburg.

Baseli po shikon mundësinë e ndryshimit të ekipit, duke kombinuar lojtarë me përvojë dhe të marr lojtarë të rinj.

Profil i shkëlqyer është futbollisti i talentuar shqiptar, i cili është vetëm 19 vjeçar dhe çdo mosmarrëveshje që kanë pasur në të kaluarën mund të harrohet.