Kosova

Kancelari austriak paralajmëron vizitë në Kosovë

E mërkurë, 16 Mars 2022 - 19:25 albinfo.at
FOTO: APA/GEORG HOCHMUTH

Kancelari i Austrisë, Karl Nehammer, do ta vizitojë Kosovën, Serbinë dhe Bosnjë e Hercegovinën, në një vizitë dyditore.

Ndalesa e parë e tij do të jetë Serbia, Bosnjë e Hercegovina, e pastaj do të ndalet në Kosovë.

Nehammer ka vënë në pah që BE-ja ka një interes të veçantë për zhvillimin e mirë ekonomik në të gjitha vendet e Ballkanit Perëndimor.

“Ne kemi një interes të veçantë për stabilitetin dhe zhvillimin e mirë ekonomik në të gjitha vendet e Ballkanit Perëndimor”, theksoi Nehammer.

Sulmi mbi Ukrainën nga ana e Rusisë ka terhequr vëmendjen ndërkombëtare ndaj afrimit të ngadaltë të vendeve të Ballkanit Perëndimor me BE-në, për këtë arsye Nehammer dëshiron të theksojë gjatë udhëtimit të tij se BE-ja nuk do të jetë e plotë derisa vendet e Ballkanit Perëndimor të jenë anëtarësuar.

Sipas mediave austriake, më 17 të këtij muaji kancelari do ta vizitojë Serbinë dhe Bosnjën, kurse më 18 viziton Kosovën. Ai do të takohet me presidenten e Kosovës, Vjosa Osmani dhe me kryeministrin Albin Kurti.

Gjatë vizitës së tij në Kosovë, kancelari austriak do të vizitojë edhe ushtarët austriakë të KFOR-it në Kosovë.

Karl Nehammer, herën e fundit që kishte vizituar Kosovën ishte më 28 shtator të vitit të kaluar, atë kohë në cilësinë e ministrit të Brendshëm të Austrisë.

 

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Përfundon numërimi i votave, emrat që pritet të jenë 120 deputetët e rinj të Kuvendit të Kosovës

 E-Diaspora

 Jeta në Zvicër